Kişi və qadın həndbolçular arasında Azərbaycan çempionatlarında III turun oyun cədvəli açıqlanıb.
"Respublika" xəbər verir ki, turun matçları iki gündə – noyabrın 25-26-da keçiriləcək.
İlk günün görüşləri “AHF Arena” İdman Kompleksində, növbəti günün qarşılaşmaları isə “Kür” Olimpiya Tədris-İdman Mərkəzində baş tutacaq.
Qeyd edək ki, iki turdan sonra qadınların yarışına 4 xalla “Qarabağ” başçılıq edir. “Azəryol”, “Kür”, “İdman Akademiyası” və “Bakı” hərəyə iki xalla sonrakı pillələrdə qərarlaşıb. “Gənclər Birliyi”nin aktivində xal yoxdur.
Hərəyə 4 xalı olan “Kür” və “Qarabağ” kişilərin çempionatının şərikli lideridir. “Bakı” və “İdman Akademiyası” 2 xalla üçüncü-dördüncü yerləri bölüşdürür. “Azəryol”, “Təhsil” və “Dinamo” hələlik xal qazana bilməyib.
III tur
Kişilər
25 noyabr
12:00. “İdman Akademiyası” – “Azəryol”
14:00. “Bakı” – “Dinamo”
26 noyabr
16:00. “Kür” – “Qarabağ”
Qadınlar
25 noyabr
10:00. “Azəryol” – “İdman Akademiyası”
26 noyabr
14:00. “Kür” – “Bakı”