İyulun 9-da saat 11 radələrində Binəqədi Rayon Polis İdarəsinin 4-cü polis şöbəsinin rəisi, polis polkovnik-leytenantı Rahib Mirzəyevin istirahət otağında özünü xidməti silahı ilə ürək nahiyəsindən bir dəfə atəş açaraq öldürməsi ilə bağlı məlumat daxil olub.
Baş Prokurorluğun mətbuat xidmətindən AZƏRTAC-ın sorğusuna cavab olaraq bildiriblər ki, hazırda Baş Prokurorluğun İstintaq İdarəsinin və Daxili İşlər Nazirliyinin əməkdaşları hadisə yerindədirlər.
Yaxın vaxtlarda ictimaiyyətə ətraflı məlumat veriləcək.
AZƏRTAC