Qərbi Azərbaycan İcması son vaxtlar İspaniyanın Azərbaycanın ərazi bütövlüyünü və suverenliyini hədəf alan, separatizmi təşviq edən mövqeyini kəskin şəkildə pisləyib.

"Respublika" xəbər verir ki, bu barədə İcma məlumat yayıb.

Bildirilib ki, İcma rəsmi Madriddən beynəlxalq hüquqa münasibətdə ikili standartlar siyasətinə son qoymağı və Azərbaycanın daxili işlərinə qarışmamağı tələb edib. Həmçinin Qərbi Azərbaycan İcması İspaniyanı Ermənistandan qovulmuş azərbaycanlıların dinc yolla, təhlükəsiz şəkildə və ləyaqətlə öz evlərinə qayıtmalarını dəstəkləməyə çağırır.

Nəzrin ELDARQIZI,

"Respublika".