2021-ci ilin yanvar-avqust ayları üzrə elektrik enerjisinə dair operativ məlumatlara əsasən, avqust ayında respublika üzrə elektrik enerjisinin istehsalı 2767,4 mln. kVts, ixracı 150,6 mln. kVts, idxalı 10,5 mln. kVts olub. Ötən ilin müvafiq dövrü ilə müqayisədə avqust ayında respublika üzrə elektrik enerjisinin istehsalı 611,2 mln. kVts, ixrac 49,1 mln. kVts artıb, idxal isə eynilik təşkil edib.

Energetika Nazirliyinin mətbuat sektorundan verilən məlumata görə, cari  ilin yanvar-avqust aylarında isə respublikada elektrik enerjisinin istehsalı ötən ilin müvafiq dövrü ilə müqayisədə 1109,7 mln. kVts artaraq 18612,4 mln kVts olub.

8 ay ərzində elektrik enerjisinin ixracı 971,9 mln. kVts olmaqla, 2020-ci ilin müvafiq dövrü ilə müqayisədə 142,2 mln. kVts artıb. İrana 238,9 mln. kVts, Türkiyəyə 164,1 mln. kVts, Rusiyaya 63,7 mln. kVts, Gürcüstana isə 505,2 mln. kVts elektrik enerjisi ixrac edilib.

Bəybala BƏYBALAYEV,

“Respublika”.