Atlantik və Sakit okeanları birləşdirən Panama kanalında quraqlıq səbəbindən nəqliyyatın hərəkəti dayanıb.
"Respublika" "Hürriyət"ə istinadən xəbər verir ki, 200-dən çox gəmi həftələrdir suya qənaət etmək üçün keçidlərin məhdudlaşdırıldığı kanalın hər iki tərəfində gözləyir.
Səlahiyyətlilər keçidlərin sayını 32-yə endirib, milyon dollarlıq mal daşıyan nəhəng gəmilərin Panama kanalının girişində lövbər salmasına səbəb olub. Yağıntıların azalması səbəbindən gəmi keçidlərində istifadə olunan çəndə suyun miqdarı azaldığına görə, kanal rəhbərliyi sentyabrın 2-dək tranzit məhdudiyyəti qoymalı olub.
Töhfə SƏMƏDOVA,
"Respublika".