İslam Əməkdaşlıq Təşkilatı Ölkələrinin Milli Xəbər Agentlikləri Birliyinin (UNA) saytında Medianın İnkişafı Agentliyinin Milli Mətbuat Günü münasibətilə Şuşada təşkil etdiyi "Mediada qlobal trendlər, yeni çağırışlar" mövzusunda Beynəlxalq Media Forumun xarici ölkələrdən gələn iştirakçıları ilə Azərbaycan Dövlət İnformasiya Agentliyində (AZƏRTAC) keçirilən görüş haqqında xəbər və fotoşəkilləri yayımlayıb.

Xəbərdə qeyd olunub ki, AZƏRTAC-ın İdarə Heyətinin sədri Aslan Aslanov qonaqlara agentliyin fəaliyyəti, o cümlədən əməkdaşlar üçün yaradılmış şərait barədə ətraflı məlumat verib.

Xarici ölkələrin media nümayəndələri ilə görüş AZƏRTAC-ın binasında təşkil olunmuş nahar süfrəsi ətrafında davam edib.

AZƏRTAC