Azərbaycan Respublikası Maliyyə Nazirliyinin "Bakı Konqres Mərkəzi" Məhdud Məsuliyyətli Cəmiyyəti
AÇIQ TENDERƏ DƏVƏT EDİR
"Bakı Konqres Mərkəzi" MMC-nin binasının metalokonstruksiyasının defektoskopiyası, konstruksiyanın qaynaq və bolt birləşmələrin yoxlanılması və bərkidilməsi işlərinin satınalınması.
Tender iştirakçılarına təklif edilir ki, https://www.etender.gov.az/ - dövlət satınalmalarının vahid internet Portalına (Portal) elektron imzaları vasitəsilə daxil olsunlar və tender haqqında ətraflı məlumatı əldə etsinlər. Müqaviləni yerinə yetirmək üçün tender iştirakçıları lazımi maliyyə və texniki imkanlara malik olmalıdırlar. Tenderdə iştirak etmək istəyən təşkilatlar lot üzrə müəyyən edilən məbləğdə iştirak haqqını göstərilən hesaba köçürdükdən sonra müsabiqə üzrə təkliflərini Portal vasitəsilə təqdim edə bilərlər.
İştirak haqqı: 200 manat
İştirak haqqının ödənilməsi yalnız Asan Ödəniş vasitəsilə həyata keçirilə bilər. Müsabiqədə iştirak etmək üçün müsabiqəyə daxil olduqdan sonra "Asan Ödəniş"lə ödə " düyməsini sıxaraq aidiyyəti keçid vasitəsilə ödənişi etdikdən sonra müsabiqədə iştirak edə bilərsiniz:
İştirak haqqı heç bir halda geri qaytarılmır.
İddiaçılar tenderdə iştirak etmək üçün aşağıdakı sənədləri təqdim etməlidirlər:
1. Portalda tələb olunan sənədlər bölməsi üzrə:
1. Vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında arayış (rəsmi blankda (və ya notarial qaydada təsdiq olunmuş) və müsabiqənin elan olunan tarixdən sonrakı tarixlərə olmalıdır)
2. Tenderdə iştirak haqqının ödənilməsi barədə bank sənədi;
3. Maliyyə vəziyyəti haqqında bank arayışı (müsabiqənin elan olunan tarixdən sonrakı tarixlərə olmalıdır)
4. İddiaçının son bir ildəki fəaliyyəti haqqında vergi orqanları tərəfindən təsdiq olunmuş maliyyə hesabatının surəti;
5. Son bir il ərzində (fəaliyyətini dayandırdığı müddət nəzərə alınmadan) vergi ödəyicisinin Azərbaycan Respublikasının Vergi Məcəlləsi ilə müəyyən edilmiş vəzifələrinin yerinə yetirilməməsi hallarının mövcud olmaması (rəsmi blankda (və ya notarial qaydada təsdiq olunmuş) və müsabiqənin elan olunan tarixdən sonrakı tarixlərə olmalıdır)
6. İddiaçının tam adı, hüquqi statusu, nizamnaməsi, qeydiyyatdan keçdiyi ölkə və rekvizitləri;
7. Nizamnamə (notarial qaydada təsdiq edilmiş).
8. Qeydiyyatdan keçdiyi ölkə
9. Rekvizitlər
10. Şərtlər toplusunda verilmiş Əlavə 3
11. Şərtlər toplusunda verilmiş Əlavə 4
12. Tender prosedurunda iddiaçı tərəfindən əlaqələndirici şəxs haqqında məlumat
2. Portalda texniki meyarlar üzrə:
Portalda texniki bölümündə qiymətləndirməni aparmaq üçün iddiaçı tərəfindən müvafiq sənədlər yüklənməlidir.
3. Maliyyə təklifi bölməsi üzrə:
1. Tender təklifi dəyərinin 1 %-i həcmində bank təminatı (zərflərin açıldığı tarixdən sonra ən azı 60 bank günü qüvvədə olmalıdır);
2. Tender təklifi əlavə 5 formasında (zərflərin açıldığı tarixdən sonra ən azı 30 bank günü qüvvədə olmalıdır).
Sənədlər Azərbaycan dilində tərtib olunmalıdır (xarici dildə olan tender sənədləri Azərbaycan dilinə tərcümə olunmalıdır). İddiaçılar tender ilə bağlı sualları Portal vasitəsilə Satınalan Təşkilata ünvanlaya bilərlər. Tender proseduru "Dövlət satınalmaları haqqında" Azərbaycan Respublikasının Qanununa uyğun keçiriləcəkdir. İddiaçılar tenderdə iştirak etmək üçün ixtisas göstəricilərinə dair sənədləri 25.11.2021-ci il saat 11:00 tarixinə qədər, tender təklifi ilə bank təminatı sənədlərini 03.12.2021-ci il saat 18:00 tarixinə qədər PORTAL VASİTƏSİLƏ təqdim etməlidirlər. İddiaçıların təklifləri 06.12.2021-ci il saat 11:00 tarixində açılacaqdır. İddiaçılar açılışın nəticələri ilə Portal vasitəsilə tanış ola bilərlər.
QEYD: Tenderdə iştirak, tenderin qiymətləndirilməsi və digər bütün prosedurlar yalnız elektron qaydada PORTAL vasitəsilə aparılır.
