Türkiyə Respublikasının İstanbul şəhərində yanğın-xilasetmə idmanı üzrə kişilər arasında XVIII dünya çempionatına və qadınlar arasında IX dünya çempionatına start verilib.

Fövqəladə Hallar Nazirliyinin mətbuat xidmətindən “Respublika”-ya verilən məlumata görə, dünya çempionatında ölkəmizi FHN-in və Dövlət Neft Şirkətinin yanğınsöndürənlərindən ibarət komandası təmsil edir. Sentyabrın 6-dək davam edəcək mötəbər idman tədbiri Yanğınsöndürənlər və Xilasedicilərin Beynəlxalq İdman Federasiyasının XXIII Beynəlxalq Konfransının qərarı əsasında keçirilir. Dünya çempionatı yanğınsöndürən və xilasedici peşələrinin tanıdılması, müxtəlif ölkələrin yanğın və xilasetmə xidmətləri vasitəsilə dostluq ənənələrinin möhkəmləndirilməsi, peşəkar idman bacarıqlarının təkmilləşdirilməsi və yanğın-xilasetmə idmanının beynəlxalq səviyyədə daha da inkişafı məqsədilə təşkil olunur.