Çimərlik futbolu üzrə Azərbaycan milli komandası İtaliyanın Alghero şəhərində təşkil olunan Avropa Superfinalında növbəti oyununu keçirib.
"Respublika" AFFA-nın rəsmi saytına istinadən xəbər verir ki, Rumıniya yığması ilə oyun rəqibin 4:2 hesablı qələbəsi ilə başa çatıb.
Millimizin qollarını Sabir Allahquliyev və Orxan Məmmədov vurublar.
Qeyd edək ki, Azərbaycan yığması turnirdə növbəti oyununu sentyabrın 21-də İsveçrə yığmasına qarşı keçirəcək. Qarşılaşma Bakı vaxtı ilə saat 16:00-da başlayacaq.
