Türkiyənin Biləcik bölgəsinin Vezirhan rayonunda yüksək gərginlikli elektrik naqillərinin qırılması səbəbindən meşə yanğını baş verib.

"Respublika" xəbər verir ki, bu barədə "NTV" məlumat yayıb.

Bildirilib ki, bunu Biləcik valisi Şefik Aygöl də təsdiq edib. Artıq yanğının baş verdiyi əraziyə beş helikopter və bir təyyarə göndərilib.

Məlumat üçün qeyd edək ki, Türkiyənin Çanaqqala vilayətində artıq 3 gündür ki, meşə yanğınları davam edir.
Yanğın nəticəsində 4 min hektardan çox əraziyə ziyan dəyib.

Nəzrin ELDARQIZI,

"Respublika".