Azərbaycan şahmatçısı Günay Məmmədzadə Hindistanın MGD1 komandasının heyətində Almaniyada keçirilmiş rapid üzrə dünya çempionatının bürünc mükafatçısı olub.
"Respublika" xəbər verir ki, on iki turun yekun nəticəsinə əsasən, MGD1 kollektivi 18 xal toplayıb və yarışı üçüncü pillədə başa vurub.
Dünya çempionatında qələbəni Bakıda keçirilmiş Dünya Kubokunun finalçısı Rameşbabu Praqnanandxanın da şərəfini qoruduğu "WR Chess" bayram edib. Qalib komanda 22 xalla bütün rəqiblərini qabaqlayıb. Dünya çempionu Vişvanatan Anandın çıxış etdiyi “Freedom” 20 xalla ikinci yeri tutub.
