ABŞ-da ev heyvanı olan pişik geri qaytarılmalı olan yük paketinə gizlicə girib.

"Respublika" "BBC"-yə istnadla  xəbər verir ki, pişik paketə girdikdən sonra yüzlərlə kilometr uzağa aparılıb. Şəxsiyyəti çiplə müəyyən edilən pişik bir həftə sonra ailəsinə qovuşub.

Qaleana adlı pişik aprelin əvvəlində Yutadakı evindən yoxa çıxıb. Narahat olan sahiblər bütün cəhdlərinə baxmayaraq pişiyi tapa bilməyiblər. Bir həftə sonra Amazon işçisi pişiyi Kaliforniyadakı anbarda iş çəkmə qutusunda tapıb və baytara aparıb. Pişik mikroçip vasitəsilə müəyyən edildikdən sonra onun sahibi Kerri Klark çağırılıb. Qaleana ilişib qaldığı qutu boş olduğu üçün bir az hava ala bilsə də, yemək və su olmadan uzun müddət mübarizə aparıb.