Azərbaycan Respublikası Minatəmizləmə Agentliyinin (ANAMA) İdarə Heyətinin sədri Vüqar Süleymanov ölkəmizdə səfərdə olan İsveçin Avropa İttifaqının Şərq Tərəfdaşlığı Proqramı üzrə səfiri xanım Kristina Yohannesson və İsveç Krallığının Azərbaycandakı fövqəladə və səlahiyyətli səfiri Tobias Lorentzson ilə görüş keçirib.

Görüş zamanı işğaldan azad edilmiş ərazilərdə mövcud mina probleminin miqyası, onun törətdiyi fəsadlar, Azərbaycan 2030: sosial-iqtisadi inkişafa dair Milli Prioritetlər sırasında əsas strateji hədəflərdən biri kimi müəyyən edilən azad edilmiş ərazilərin bərpası və keçmiş məcburi köçkünlərin təhlükəsiz geri dönüşü istiqamətində görülən işlər barədə məlumat verilib.

Həmçinin, minatəmizləmə sahəsində bacarıqların gücləndirilməsi, partlayıcı sursatların zərərsizləşdirilməsi, risklərin qiymətləndirilməsi, topoqrafiya-geodeziya və digər istiqamətlərdə əməkdaşlıq məsələləri ətrafında fikir mübadiləsi aparılıb.

“Respublika”.