Türk İnvestisiya Fondunun baş direktoru Ramil Babayev Türk Dövlətləri Təşkilatının (TDT) Baş katibi Kubanıçbek Ömüralıyev ilə görüşüb.
"Respublika" "AZƏRTAC"-a istinadla xəbər verir ki, TDT-nin İstanbulda yerləşən əsas binasında baş tutan görüşdə Türk İnvestisiya Fondunun prezidenti Bağdad Amreyev də iştirak edib.
Görüşdə fondun fəaliyyəti, eləcə də bölgəmizdə investisiya imkanları barəsində fikir mübadiləsi aparılıb.
Xatırladaq ki, Türk Dövlətləri Təşkilatı nəzdində Türkiyə, Azərbaycan, Qazaxıstan, Qırğızıstan və Özbəkistan tərəfindən yaradılan Türk İnvestisiya Fondunun mayın 18-də İstanbulda təsis iclası keçirilib. Tədbirdə fondla Türkiyə arasında “Ev Sahibi Ölkə Müqaviləsi” imzalanıb.
Azərbaycandan namizədliyi təqdim edilən Ramil Babayev fondun baş direktoru seçilib.
