Milyarder maqnat Asif Əziz Londonun Trocadero binasının bir hissəsini məscid və İslam mərkəzinə çevirmək üçün rəsmi qurumlardan icazə alıb.
"Respublika" Daily Sabah-a istinadən xəbər verir ki, 56 yaşlı maqnat 2005-ci ildə məşhur abidəni 220 milyon funt sterlinqə (287,7 milyon dollar) alıb və ifrat sağçı qrupların və bəzi sakinlərin şikayətlərindən sonra onu 2020-ci ildə 1000 nəfərlik məscidə çevirmək planlarını ləğv edib.
Bundan sonra, 2023-cü ilin may ayında o, “Piccadilly Prayer Space” adlandırılacaq 390 nəfərlik məscid tikmək üçün icazə ala bilib.
Məlumata görə, məscidin bir neçə ay ərzində açılışının olacağı gözlənilir.
Töhfə SƏMƏDOVA,
"Respublika".
