Kiçik və Orta Biznesin İnkişafı Agentliyi (KOBİA) tərəfindən daha 6 KOB subyektinə “Startap” şəhadətnaməsi verilib. Bununla da “Startap” şəhadətnaməsi almış KOB subyektlərinin sayı 145-ə çatıb.

KOBİA-nın mətbuat xidmətinin məlumatına görə, “Startap” şəhadətnamələri "E-Tibb" MMC-nin onlayn həkim qəbulu üçün mobil platforması, "İmajin Technologies" MMC-nin interaktiv alış-veriş platforması, "Finmarket" MMC-nin kredit təşkilatları üçün onlayn kredit platforması, "Troniq" MMC-nin reklam robotunun istehsalı və satışı, "Yoldash" MMC-nin avtomobil sürücülərini və sərnişinləri birləşdirən onlayn platforması, Xəyalə Nuşirəvanovanın onlayn zəka oyunları platforması layihələri üçün təqdim edilib.

Qeyd edək ki, “Startap” şəhadətnaməsi KOB subyektlərini şəhadətnaməni aldıqları tarixdən etibarən innovasiya fəaliyyətindən əldə etdikləri gəlirlər üzrə mənfəət və gəlir vergisindən 3 il müddətinə azad edir.

“Respublika”.