Rusiyanın Orenburq vilayətində baş verən sel fəlakətində Orsk şəhərində bəndin partlaması nəticəsində 10 min evi su basıb.
"Respublika" "Hürriyet"-ə istinadla xəbər verir ki, hadisə nəticəsində 6 min 100 nəfər təxliyə edilib. Rusiya prezidenti Vladimir Putin fövqəladə hallar naziri Aleksandr Kurenkova bölgəyə səfər etməyi və yoxlamalar aparmağı tapşırıb.
Orsk şəhərində 3-ü uşaq olmaqla 9 nəfər xəstəxanaya yerləşdirilib, onların həyati təhlükəsinin olmadığı açıqlanıb. Şəhərdəki 40 məktəbdən 15-i su altında qalıb. Su basmış ərazidə yaşayan insanlar evlərini kanoe ilə tərk etməli olublar.