Vətən müharibəsi şəhidi, Xüsusi Təyinatlı Qüvvələrin baş giziri Camal İsmayılovun 39 yaşı qeyd olundu.
“Respublika” xəbər verir ki, tədbirdə Neftçala Şəhər İcra Hakimiyyətinin başçısı Mirhəsən Seyidov, RİH aparatının məsul əməkdaşları rayonun hüquq-mühafizə orqanlarını rəhbərləri ,şəhid ailələri, döyüş yoldaşları və qazilər iştirak etdilər.
Tədbir iştirakçıları Şəhid baş gizir Camal İsmayılovun Şəhidlər xiyabanındakı məzarını və Həsənəbad qəsəbəsindəki abidəsini ziyarət edib gül təstələri qoydub, ruhuna dualar oxudular.
Azərbaycan Respublikasının ərazi bütövlüyünün, müstəqilliyinin, konstitusiya quruluşunun müdafiəsi zamanı şəhid olan hərbi qulluqçuların ruhu bir dəqiqəlik sükutla yad olunub, Azərbaycan Respublikasının Dövlət Himni səsləndirildi. Sonra tədbir iştirakçıları Camal İsmayılova həsr olunan rəsm sərgisi ilə tanış oldular.
Tədbirdə şəhid Camal İsmayılovun atası Vidadi İsmayılov, bacısı Xəyalə Ağamalıyeva, şəhid Elyar Vəliyevin atası Arif Vəliyev, “13 Əfsanə” kitabının redaktoru Güləmail Murad, döyüş yoldaşı Ayar Abbasov, Azərbaycan Dövlət Radiosunun “Vətən yaşasın” verlişinin redaktoru, şair- publisist Ötərxan Eltac, “Camal Əfsanəsi” jurnalının təsisçisi Ruhəngiz Nəcəfova, AYB-in üzvü, Prezident təqaüdçüsü, “ 13 Əfsanə” kitabının müəllifi Elnur Uğur Azərbaycan ordusunun 44 günlük Vətən müharibəsindəki qələbədən və bu qələbədə iştirak edən şəhid Camal İsmayılovun şücaətindən, keçdiyi döyüş yolundan söhbət açdılar. Qeyd olundu ki, 2020-ci ilin sentyabrın 27-də düşmənin törətdiyi təxribata qarşı əks-hücuma başlanan Vətən Müharibəsində Camal İsmayılovun Füzuli uğrunda gedən döyüşlərdə qəhrəmancasına şəhidlik zirvəsinə ucalması onun Vətəninə xalqına olan sevgisinin bariz nümunəsidir. Çıxışlardan sonra Vətən Müharibəsi Qəhrəmanı Camal İsmayılovun həyatını əks etdirən videoçarx nümayiş olundu.
Tədbirdə çıxış edən Vətən Müharibəsi Qəhrəmanı Cmaal İsmayılovun qızı Əsnad İsmayılova L.V.Bethovenin “ K.Elize” əsərini ifa etdi.
Tədbirdə çıxış edən Neftçala RİH-in başçısı Mirhəsən Seyidov bu gün ölkə Prezidenti, Müzəffər Ali Baş Komandan cənab İlham Əliyevin Ümummilli Lider Heydər Əliyevin siyasi kursunu uğurla davam etdirməsini, uzaqgörən və qətiyyətli siyasəti nəticəsində 30 ilə yaxın işğalda olan torpaqlarımızın xalqımızın birliyi, müzəffər Ordumuzun peşəkarlığı sayəsində azad olunmasını bildirdi. Qeyd etdi ki, Qəhrəman gənclərimizin vətən uğrunda göstərdiyi fədakarlıqlar dövlətimiz tərəfindən yüksək qiymətləndirilir, onların hər biri orden və medallarla təltif edilib, ailələri dövlətin diqqət və qayğısı ilə əhatə olunur.
Şəhidin ailə üzvləri göstərilən diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya minnətdarlıqlarını bildirdilər.
Tədbir Neftçala şəhər Camal İsmayılov adına Uşaq İncəsənət məktəbinin hazırladıqları kompozisiyalar ilə davam etdi.
Ərəstun ABDULOV,
“Respublika”.
