Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, "Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında" Azərbaycan Respublikasının Qanununda dəyişiklik edilməsi barədə" Azərbaycan Respublikasının 2023-cü il 9 iyun tarixli 903-VIQD nömrəli Qanununun qüvvəyə minməsi ilə əlaqədar həmin Qanunun tətbiqini təmin etmək məqsədilə qərara alıram:
1. Müəyyən edilsin ki:
1.1. "Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında" Azərbaycan Respublikası Qanununun 6-2.1-ci və 7.4-cü maddələrinin ikinci cümlələrində, 13.5-ci, 13.6-cı, 13.7-ci (hər iki halda) maddələrində, 34.1-ci maddəsinin birinci və ikinci cümlələrində və 34.6-cı maddəsində nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Prezidenti həyata keçirir;
1.2. həmin Qanunun 13.7-ci maddəsində (ikinci halda) "orqan (qurum)" dedikdə Azərbaycan Respublikasının Prezidenti və Azərbaycan Respublikasının Nazirlər Kabineti nəzərdə tutulur;
1.3. həmin Qanunun 6-2.1-ci, 7.4-cü və 34.1-ci maddələrinin ikinci cümlələrində "orqan (qurum)" dedikdə Azərbaycan Respublikasının Nazirlər Kabineti nəzərdə tutulur;
1.4. həmin Qanunun 13.5-ci, 13.6-cı, 13.7-ci (birinci halda) maddələrində, 34.1-ci maddəsinin birinci cümləsində və 34.6-cı maddəsində "orqan (qurum)" dedikdə Azərbaycan Respublikasının Ədliyyə Nazirliyi nəzərdə tutulur.
2. Azərbaycan Respublikasının Nazirlər Kabineti:
2.1. "Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında" Azərbaycan Respublikası Qanununun 7.4-cü maddəsinin ikinci cümləsinə uyğun olaraq, dövlət qulluqçusu olmayan yoxlayıcıların fəaliyyətinin qiymətləndirilməsi qaydalarını dörd ay müddətində təsdiq edib Azərbaycan Respublikasının Prezidentinə məlumat versin;
2.2. həmin Qanunun 34.1-ci maddəsinin ikinci cümləsinə uyğun olaraq, yuxarı dövlət orqanı olmayan yoxlayıcı orqanların siyahısını üç ay müddətində təsdiq edib Azərbaycan Respublikasının Prezidentinə məlumat versin;
2.3. "Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında" Azərbaycan Respublikasının Qanununda dəyişiklik edilməsi barədə" Azərbaycan Respublikasının 2023-cü il 9 iyun tarixli 903-VIQD nömrəli Qanunundan irəli gələn digər məsələləri həll etsin.
3. "Sahibkarlıq sahəsində aparılan y
oxlamaların vahid məlumat reyestrinin forması və aparılması qaydası haqqında Əsasnamə"nin təsdiq edilməsi barədə" Azərbaycan Respublikası Prezidentinin 2011-ci il 15 fevral tarixli 383 nömrəli Fərmanında (Azərbaycan Respublikasının Qanunvericilik Toplusu, 2011, № 2, maddə 87; 2015, № 8, maddə 910; 2016, № 8, maddə 1384; 2017, № 3, maddə 377, № 10, maddə 1778; 2018, № 10, maddə 2001; 2019, № 5, maddə 857; 2020, № 6, maddə 707; 2021, № 5, maddə 450; 2022, № 7, maddə 754, № 8, maddələr 844, 881; 2023, № 4, maddə 475) aşağıdakı dəyişikliklər edilsin:
3.1. 4-cü hissədə "sahibkarlıq fəaliyyəti subyekti" sözləri "sahibkar" sözü ilə əvəz edilsin;
3.2. həmin Fərmanla təsdiq edilmiş "Sahibkarlıq sahəsində aparılan yoxlamaların vahid məlumat reyestrinin forması və aparılması qaydası haqqında Əsasnamə" üzrə:
3.2.1. 1.4-cü bənddə "sahibkarlıq fəaliyyəti subyektlərində" sözləri "yoxlama obyektlərində" sözləri ilə əvəz edilsin;
3.2.2. 1.5-2-ci bənddə və 2.4.2-ci yarımbənddə "sahibkarlıq subyektlərinin" sözləri "sahibkarların" sözü ilə əvəz edilsin;
3.2.3. 1.6-1-ci bəndin ikinci cümləsində "sahibkarlıq fəaliyyətinin subyekti" sözləri "sahibkar" sözü ilə əvəz edilsin;
3.2.4. 3.1-ci, 3.6-cı bəndlərdə, 5.1-ci bəndin birinci cümləsində və 5.3-cü bənddə ismin müvafiq hallarında "sahibkarlıq fəaliyyəti subyektləri" sözləri ismin müvafiq hallarında "sahibkarlar" sözü ilə əvəz edilsin;
3.2.5. 3.4.3-cü, 3.4.5-ci, 3.4.6-cı yarımbəndlərdə və 3.5-ci bənddə ismin müvafiq hallarında "sahibkarlıq subyekti" sözləri ismin müvafiq hallarında "sahibkar" sözü ilə əvəz edilsin;
3.2.6. 3.4.4-cü yarımbənddə, 4.5-ci bənddə, 4.6-cı bəndin ikinci cümləsində və 5.1.3-cü yarımbənddə ismin müvafiq hallarında "sahibkarlıq fəaliyyəti subyekti" sözləri ismin müvafiq hallarında "sahibkar" sözü ilə əvəz edilsin;
3.2.7. 3.4.8-ci və 5.1.6-cı yarımbəndlərdə "təsərrüfat obyektinin" sözləri "yoxlama obyektinin adı, təsviri," sözləri ilə əvəz edilsin;
3.2.8. 4.9-cu bənddə "hər 3 aydan bir" sözləri "Qanunun 13.7-ci maddəsinə uyğun olaraq ildə iki dəfə (fevralın və avqustun 15-dək)" sözləri ilə, "sahibkarlıq subyektləri" sözləri isə "sahibkarlar" sözü ilə əvəz edilsin;
3.2.9. 4.10-cu bənddə "sahibkarlıq fəaliyyəti subyektləri" sözləri "sahibkarlar" sözü ilə, "sahibkarlıq fəaliyyəti subyektinin" sözləri isə "sahibkarın" sözü ilə əvəz edilsin;
3.2.10. 5.6-cı bənddə "Sahibkarlıq fəaliyyəti subyektləri" sözləri "Sahibkarlar" sözü ilə əvəz edilsin.
4. "Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında" Azərbaycan Respublikasının 2013-cü il 2 iyul tarixli 714-IVQ nömrəli Qanununun tətbiqi barədə" Azərbaycan Respublikası Prezidentinin 2013-cü il 28 avqust tarixli 955 nömrəli Fərmanının (Azərbaycan Respublikasının Qanunvericilik Toplusu, 2013, № 8, maddə 898; 2014, № 5, maddə 477; 2016, № 3, maddə 461, № 8, maddə 1384; 2018, № 11, maddələr 2248, 2250) 4-cü hissəsində aşağıdakı dəyişikliklər edilsin:
4.1. 4.1-ci bənddə ", 13.2-ci, 27.1-ci və 27.4.1-ci maddələrində" sözləri "maddəsində, 6-2.1-ci və 7.4-cü maddələrinin ikinci cümlələrində, 13.2-ci, 13.5-ci, 13.6-cı, 13.7-ci (hər iki halda), 27.1-ci, 27.4.1-ci maddələrində, 34.1-ci maddəsinin birinci və ikinci cümlələrində və 34.6-cı maddəsində" sözləri ilə əvəz edilsin;
4.2. aşağıdakı məzmunda 4.1-1-ci, 4.2-1-ci və 4.3-1-ci bəndlər əlavə edilsin:
"4.1-1. həmin Qanunun 13.7-ci maddəsində (ikinci halda) "orqan (qurum)" dedikdə Azərbaycan Respublikasının Prezidenti və Azərbaycan Respublikasının Nazirlər Kabineti nəzərdə tutulur;";
"4.2-1. həmin Qanunun 6-2.1-ci, 7.4-cü və 34.1-ci maddələrinin ikinci cümlələrində "orqan (qurum)" dedikdə Azərbaycan Respublikasının Nazirlər Kabineti nəzərdə tutulur;";
"4.3-1. həmin Qanunun 13.5-ci, 13.6-cı, 13.7-ci (birinci halda) maddələrində, 34.1-ci maddəsinin birinci cümləsində və 34.6-cı maddəsində "orqan (qurum)" dedikdə Azərbaycan Respublikasının Ədliyyə Nazirliyi nəzərdə tutulur;";
4.3. 4.3-cü bənddən ", 34.1-ci" sözləri çıxarılsın.
İlham ƏLİYEV,
Azərbaycan Respublikasının Prezidenti.
Bakı şəhəri, 7 iyul 2023-cü il.
