Hava şəraiti ilə əlaqədar əhalinin çimərliklərə, istirahət zonalarına kütləvi hərəkəti nəzərə alınaraq Daxili İşlər Nazirliyi tərəfindən polis əməkdaşlarının fasiləsiz xidməti təşkil edilib. 

"Respublika" xəbər verir ki, bu barədə DİN-in mətbuat xidməti açıqlama yayıb. Bildirilib ki, ictimai qaydanın və ictimai təhlükəsizliyin təminatı məqsədilə xidmətə əlavə canlı qüvvə və xidməti avtomobillər çıxarılıb. 

Respublikanın bütün turizm zonalarına — çimərliklərə və digər istiqamətlər üzrə hərəkətin fasiləsizliyi təmin olunmaqla naryad qrupları təhkim olunub. Köməyə ehtiyacı olan şəxslərə çağırışlar üzrə operativ köməkliklər göstərilib, müvafiq dövlət qurumları ilə əlaqəli fəaliyyət icra edilib. 

Hazırda xidmət davam etdirilir.