AZAL və "Boeing" 8 ədəd "787-8 Dreamliner" təyyarəsinin tədarükünə dair razılıq əldə ediblər. Aviaşirkətin uzun məsafəli donanmasının genişləndirilməsini təmin etmək məqsədilə əldə olunmuş razılaşmaya əsasən təyyarələrin beşinin 2030-cu ilə qədər, üç ədədinin isə 2030-cu ildən sonra təhvil verilməsi nəzərdə tutulur.
Yüksək səmərəli hava gəmiləri aviaşirkətə marşrut şəbəkəsini və ölkəyə turist cəlb etmək imkanlarını genişləndirməyə şərait yaradacaq.
"Ölkənin mülki aviasiyasının uğurlu inkişafı Azərbaycan Prezidenti İlham Əliyevin davamlı dəstəyi və diqqəti sayəsində mümkün olub. Müasir geniş gövdəli "Boeing 787 Dreamliner" təyyarələrinin əldə olunması üçün "Boeing" şirkəti ilə müqavilənin imzalanması AZAL-ın donanmasının modernləşdirilməsi və aviadaşımaların səviyyəsinin yüksəldilməsi çərçivəsində mühüm addımdır", - deyə AZAL prezidenti Cahangir Əsgərov bildirib.
Çevikliyi, uzaq məsafəli uçuşları və yanacağa qənaəti sayəsində "Boeing 787 Dreamliner" təyyarələri aviaşirkətlərə 350-dən çox yeni birbaşa marşrutlar açmağa imkan verir. Yeni "Dreamliner" təyyarələri ilə "Azərbaycan Hava Yolları"na Avropa, Asiya və digər regionlarda öz şəbəkəsini genişləndirəcək.
"Boeing 787" təyyarəsi sayəsində "Azərbaycan Hava Yolları" Mərkəzi Asiyanın aviaşirkətləri sırasında liderliyini möhkəmləndirib. Laynerin çevikliyi və imkanları Azərbaycanda turizm və iqtisadi artım üçün yeni perspektivlər açır. AZAL ilə uğurlu əməkdaşlığımız 20 ildən artıqdır ki, davam edir və əlavə "Dreamliner" təyyarəsinin yeni sifarişi məhsullarımızın əhəmiyyətini və iki şirkət arasındakı münasibətlərin dərinliyini göstərir". Bu fikirləri "Boeing Commercial Airplanes" şirkətinin prezidenti və baş icraçı direktoru Sten Dil deyib.
Qeyd edək ki, "Azərbaycan Hava Yolları" aviaşirkəti Mərkəzi Asiyanın ən iri aviadaşıyıcılarından biridir və öz donanmasında "Boeing" isə 757, 767 və 787 təyyarələri də daxil olmaqla müxtəlif model hava gəmilərindən istifadə edir.
Dünyanın aparıcı aerokosmik şirkəti olan "Boeing" isə 150-dən çox ölkədə müştərilərinə mülki təyyarələrin, kosmik gəmilərin, müdafiə məhsullarının istismarı və texniki xidmətlər təklif edir və sistemlər hazırlayır.
"Azərbaycan Hava Yolları" QSC-nin Mətbuat xidməti.