Düşmənlərin işi bitdi;
"bölücülərin" sonudu,
Ali Baş Komandanımız
Ərdi, Ərən Oğludu!
Gətirdi el Zəfərini
əməli, sözü İlhamın,
"Nəyi, nə vaxt etməyini" -
bilirdi özü İlhamın!
Qalib gəldi mərd Ordumuz
öz mübarək silahıyla,
Komandan - igid Oğlumuz,
qəlbindəki Allahıyla.
Qalb gəldi, İlham adı
Dünya gözündə böyüdü,
bir çiynində Vətən andı,
birində Ata öyüdü!
Cəsarəti, qətiyyəti
qürurlu etdi milləti,
Azərbaycan yenilməzdi -
yaşatdı bu həqiqəti!
Sussun, bağlasın ağzını
bizə hürüb, ulayanlar,
atıb namusla-arını
yada quyruq bulayanlar!
Qarabağdan düşmənlərin
bir quşu belə səkmədi,
Ordunun Zəfər həmləsi,
"24" saat çəkmədi!
Düşmənlərin işi bitdi;
"bölücülərin" sonudu,
Ali Baş Komandanımız
Ərdi, Ərən Oğludu!
Vahid ƏZİZ,
Xalq şairi.
