Rusiya hərbçiləri Zaporojye vilayətinin Orexov şəhərində humanitar yardımların aparıldığı yerə hava bomba zərbəsi endirib. Nəticədə azı 4 nəfər həlak olub, 13 nəfər yaralanıb.
“Respublika” xəbər verir ki, bu barədə Ukrayna Daxili İşlər Nazirliyi məlumat yayıb.
“Rusiya silahlı qüvvələri cəbhə bölgəsində yerləşən Orexovoda müharibə cinayəti törədiblər - yaşayış məntəqəsinə humanitar yardım göndərərkən idarə olunan aviabomba ilə zərbələr endiriblər. Hücum nəticəsində üç qadın və bir kişi hadisə yerində ölüb”, - deyə məlumatda bildirilir.
Hazırda dağıntılar təmizlənir, ölən və xəsarət alanların sayının artacağı istisna edilmir.