Azərbaycan türklərinin əzəli və əbədi torpaqları olan qədim İrəvan şəhərində keçirilən ağırlıqqaldırma üzrə beynəlxalq yarışın açılış mərasimində ermənilər salona gətirilən üçrəngli bayrağımızdan qorxdular, çığır-bağır salaraq bir sərsəm məxluqun əli ilə onu yandırdılar. Hadisə bayrağımızın əzəmətindən, rəngindən, qürurla dalğalanmasından qorxan, özünü itirən, sancılanan bir toplumun nə qədər məkrli, xain, alçaq və şərəfsiz olduğunu göstərdi. Unutmaq olmaz ki, qarşımızdakı ermənidir. Faşist, daşnak, quldur, terrorçu, ikiüzlü, satqın, xəyanətkar, həyasız erməni. Ona bel bağlamaq olmaz, onun sözünə inanmaq olmaz.
Son otuz ilin hadisələri də bir daha göstərdi ki, erməninin dili bir şey deyir, əməli isə tamam başqadır, onun xisləti alçaqlıqdır. Erməninin gücü bayrağa, qadına, uşağa çatır, üzbəüz döyüşməyə cəsarəti çatmır, çünki qorxaqdır, gücsüzdür, rəzilliyin və şərəfsizliyin idbar xidmətçiləridir. İki il yarım bundan əvvəl döyüş meydanında bayrağını ataraq qaçan, yaralı əsgərlərini köməksiz qoyan, qorxusundan gizlənməyə siçan deşiyi axtaran ermənilərin cılız və rəzil hərəkətləri sərhəd tanımır. Ağalarının yardımları hesabına yaşayan, 44 günlük müharibədə ağır zərbə alan, ordusunun böyük əksəriyyəti məhv edilən, düşdüyü quyunun dibində zarıyan, sərsəm bəyanatlar səsləndirən Paşinyanın və hakimiyyət nümayəndələrinin gözləri qarşısında baş verən bu rüsvayçı hərəkət onu göstərdi ki, Ermənistanda dövlət və hakimiyyət bir təkəri qırılmış, başqa təkəri isə cırıldayan arabaya bənzəyir, hər hansı bir erməni onu istədiyi səmtə itələyə bilər. Hadisə İrəvanda rəsmi idman yarışı zamanı akkreditasiyadan keçmiş şəxs tərəfindən, həmçinin ölkənin baş nazirinin gözü qarşısında baş verib və bütün bunlar Ermənistanda hökm sürən hərc-mərclik və özbaşınalığın bariz göstəricisidir. Həm də bu vandallıq əvvəlcədən planlaşdırılıb. Bununla Ermənistan beynəlxalq idman qurumları arasında özünü rüsvay etdi.
Xam xəyallarla yaşayan, "miatsum" xəstəliyinə tutulan, əsrlər boyu özgələrin boşqabını yalayan, qorxaq, hiyləgər, namərd, yaltaq ermənilikdən artıq nə gözləmək olar?! Şanlı qələbə ilə başa çatan Vətən müharibəsində cinayətkar və faşist Ermənistanın maskası tam cırıldı, öyündükləri və başqalarını aldatdıqları erməni mifi yerdən-yerə vuruldu, artıq dünya törətdikləri və uzun illər gizlədə bildikləri vəhşiliyin şahidi oldu. Dumanlı havada yolu azaraq Ermənistan tərəfə keçmiş iki cavan əsgərimizə qarşı ermənilər tərəfindən törədilən vəhşilik və qəddarlıq heç bir insanlığa sığmır. Belə qaniçən rəftar yolverilməzdir, köməksiz adama işgəncə vermək yalnız erməni xislətidir.
Nə gizlədək, Ermənistanda sağlamdüşüncəli ermənilər də var və onlar aprelin 14-də baş verən insidentlə bağlı bəzi fikirlər səsləndiriblər. Bir erməni qadın sosial şəbəkə hesabında bayrağımızı yandıran qorxaq Arama bildirib ki, İrəvanda təhlükəsiz və işıqlı zalda Azərbaycan bayrağını yandırırsınız? Belə cürətlisənsə, hərbi formanı gey və sərhədə get... Əgər cəsarətin varsa... Sən qəhrəman deyilsən! Bu arada erməni mediası məlumat yayıb ki, 14 apreldə İrəvanda keçirilən ağır atletika üzrə Avropa çempionatının açılış mərasimində səhnəyə çıxaraq, Bayrağımızı qapan və onu yandıran Aram Nikolyan Ermənistan baş naziri Nikol Paşinyanın xanımı Anna Akopyanla şəxsi münasibətlərə malikdir. Bir vaxtlar bizə qarşı avtomat silahla poz verən Annanın həmin cılız erməni ilə dostluğuna təəccüblənmirik. Ermənistan baş nazir aparatının rəhbəri, İrəvanda başlayan ağır atletika üzrə Avropa çempionatının Təşkilat Komitəsinin sədri Araik Arutyunyan Azərbaycan idmançılarına qarşı törədilən təxribatla bağlı yaranmış vəziyyəti şərh edərkən bildirib ki, həmin hadisə Ermənistanı tam şəkildə yeni tərzli, innovativ, mədəni, idman mərkəzi və əməkdaşlığa, dostlaşmağa dəyər verən ölkə kimi təqdim etməyə imkan vermədi.
Azərbaycan Respublikası Baş Prokurorluğunda bayrağımızı yandıran ikiayaqlı məxluq haqqında cinayət işi başlanılıb. Bildirilir ki, milli nifrət və düşmənçiliyin salınmasına yönəlmiş bu cinayət əməlini törədən Aram Nikolyan və digərlərinin beynəlxalq məhkəmə məsuliyyətinə cəlb edilmələri məqsədilə xarici ölkələrin müvafiq orqanlarına müraciətlərin göndərilməsi və onların cəzalandırılmaları üçün beynəlxalq təşkilatlarla əməkdaşlıq edilməsi təmin olunacaq. Baş Prokurorluğun bu məsələ ilə bağlı ciddi beynəlxalq addımlar atacağına inanırıq. Ümid edirik ki, tezliklə bu təxribatın təqsirkarları layiqli cavabını alacaq. Azərbaycanlı analitikin qənaətinə görə, bu hal ermənilərin çürümə prosesində olduğunu, ruhi-psixoloji vəziyyətinin yerində olmadığını, dünya dəyərlərindən nə qədər uzaq düşdüyünü, vandal, vəhşi duyğularla yaşadığını bir daha göstərir. Bundan əvvəl 2 əsgərimizə qarşı göstərilən vandallıq, indi isə dövlətimizin ən vacib atributlarından birinin yandırılması onu göstərir ki, onların sülhə gəlməsi, qonşu dövlətlər kimi, dinc, yanaşı yaşamaq o qədər də asan olmayacaq. Bir adamın bu cür hərəkəti və onun cəmiyyətin digər üzvləri tərəfindən əngəllənməməsi onu göstərir ki, bu cəmiyyət xəstə cəmiyyətdir və biz onlarla uzun müddət mübarizə aparmalı olacağıq. İrəvan regionda vəziyyəti qəsdən gərginləşdirir, onun hərəkətləri sabitliyin pozulmasına gətirib çıxarır və sülhün əldə olunmasını ləngidir.
Sözə qüvvət üçün deyək ki, xüsusilə Paşinyanın qərarsızlığı iki ölkə arasında düşmənçiliyin dərinləşməsinə səbəb olur. İki il yarımdır ki, başda Paşinyan olmaqla hökumət nümayəndələri yalan danışmaqla, vaxt qazanmaqla məşğuldurlar. Artıq hayların böyük əksəriyyəti anlayır ki, baş nazir Paşinyan açıq-aşkar onları aldadır, çünki, indiyə qədər verdiyi vədlərin heç birini yerinə yetirməyib. Həmyerliləri hətta, Paşinyana təzə ad qoyublar, onu fəlakət gətirən adlandırırlar. Ermənistanda nəşr olunan "Joğovurt" qəzeti baş nazir Paşinyanın yalanları haqqında çap etdiyi məqalədə bildirir ki, güman edilən ehtimallar özünü doğrultmadı, yenə aldatdı, baş nazirin pensiya və müavinətlərin artırılacağı barədə vədi də yalan çıxdı. Bununla da onun xalqa söylədiyi yalanların sayı-hesabı bilinmir. Sonra qəzet yazır ki, Azərbaycan Prezidenti bu il pensiya və müavinətlərin artırılması ilə bağlı sərəncam imzalayıb və xalq ona hələ də təşəkkür dolu sözlər ünvanlayır. Paşinyan isə hər yerdə söyülməkdədir.
Azərbaycan liderinin yanında başıaşağı duran və kəkələyən Paşinyan isə öz xalqına qarşı dikbaşlıq edir. Haylar tərəfindən söyülən və aşağılanan Paşinyanı nədənsə fransızlar, farslar, bəzi amerikalılar bərk-bərk qucaqlayır, onu hayların "lider"i hesab edir, "demokrat" olduğunu bildirirlər. Rəhmətlik Üzeyir Hacıbəylinin təbirincə desək, ayə, bu fransızlar, farslar Paşinyanın nəyinə aşiq olublar? Əcəba, öz Vətənində yalançı kimi qələmə verilən baş nazir bu qədərmi əvəzsiz fiqurdur?! Əsla yox, ancaq nəzərə alsaq ki, Fransa, İran imperialist xəyallar qurur, əfsanələrə inanır, işğala cəhdlər edirlər. Bax, Ermənistan da onlardan geri qalmır, deyirlər ki, yoldaşını göstər, sənin kim olduğunu deyim. Taylı-tayını tapmasa, günü ah-vayla keçər.
Rusiyalı politoloq Yevgeni Mixaylov bildirib ki, İrəvan regionda vəziyyəti qəsdən gərginləşdirir, onun hərəkətləri sabitliyin pozulmasına gətirib çıxarır və sülhün əldə olunmasını ləngidir. Azərbaycan ilə Ermənistan arasında şərti sərhəddə növbəti təxribat rəsmi İrəvanın regionda vəziyyəti gərginləşdirməyə yönəlmiş siyasətinin davamıdır. İndi İrəvan Avropa İttifaqının (Aİ), daha konkret desək Fransanın dəstəyinə arxalanır. Rusiya sülh müqaviləsinin imzalanmasının tərəfdarıdır. Rusiyanın vasitəçiliyilə Ermənistan Azərbaycan ilə sərhədlərin demarkasiyası və delimitasiyası ilə bağlı öhdəlik götürüb. İrəvan öz öhdəliklərini yerinə yetirməkdən boyun qaçırmağa çalışır. Ermənistan artıq 2 ildən çoxdur ki, bu cür davranış nümayiş etdirir, bununla da özünün strateji tərəfdaşı olan Rusiyanı çətin vəziyyətə salır. İrəvan qəsdən vəziyyəti gərginləşdirir. Əgər əvvəllər Ermənistan KTMT-ni hərəkətə keçməyə çağırır, təşkilatı müdaxiləyə təhrik edirdisə, indi bütün səylər Aİ-nin bu ölkədəki missiyasına yönəlib.
Qeyd edək ki, Ermənistana Aİ missiyasının gəlməsindən sonra bu ölkədə sülhməramlıların çıxarılması tələbi ilə tez-tez mitinqlər keçirilir, illərlə kölgəsinə və köməyinə sığındıqları Rusiyanı bəyənmir, Qarabağdakı müvəqqəti yerləşmiş Rusiya sülhməramlılarına böhtan atırlar. Çünki yeni "ağa" tapıblar, belə yerdə deyiblər ki, it araba kölgəsində yatır, elə bilir ki, öz kölgəsidir. Qeyd edək ki, 44 günlük müharibədə ölən erməni hərbçilərin valideynləri və qohumları bir neçə gündür ki, istintaq komitəsinin binası önündə oturaq aksiya keçirir. Ötən il sentyabrın 21-də "Yerablur" hərbi məzarlığında polislərin zorakılığı ilə qarşılaşdıqlarını, qəbirlərin təhqir edildiyini bildirir, övladlarının günahkarlarının cəzalandırılmasını tələb edirlər. Ermənistanın istintaq komitəsi isə növbəti dəfə onların tələbi ilə araşdırmalar aparıldığını və həmin gün polislərin asayişi təmin etmək üçün öz səlahiyyətləri çərçivəsində fəaliyyət göstərdiyini bildirərək sözügedən aksiyanın yalnız ayrı-ayrı ambisiyalı qrupların maraqlarını ifadə etdiyini bildirib. Aksiya iştirakçıları bu bəyanatdan sonra istintaq komitəsinin rəhbərlərini müxtəlif dillərdə, o cümlədən azərbaycanca söyərək sonadək mübarizə aparacaqlarını bildiriblər. Ermənistan belə təzadlı bir ölkədir.
Salman ALIOĞLU,
"Respublika".
