Azərbaycan və Türkiyə iki qardaş dövlət olaraq bütün sahələrdə əməkdaşlığı daha da inkişaf etdirirlər. Bu baxımdan iki dövlətin su ehtiyatlarından səmərəli istifadə üçün müvafiq qurumların əməkdaşlığı, birgə çalışması da vacib məsələdir. Dövlət Su Ehtiyatları Agentliyinin sədri Zaur Mikayılov Türkiyə Cümhuriyyəti Tarım və Orman Bakanı İbrahim Yımaklı və onu müşayiət edən heyətlə görüşüb.
Görüşdə su təhlükəsizliyi prioriteti istiqamətində işlər, su qıtlığına qarşı uzunmüddətli stratejik həll yolları, sudan səmərəli istifadə istiqamətində maariflənmə, Türkiyə və Azərbaycan arasında effektiv təcrübə mübadiləsi və s. məsələlər müzakirə edilib.
Meliorasiya və Su Təsərrüfatı ASC-nin mətbuat xidməti bildirir ki, gələcəkdə bu istiqamətdə ikitərəfli əlaqələrin genişləndirilməsinə dair qarşılıqlı razılaşma əldə olunub.
Nəriman CAVADOV,
“Respublika”.