Müdafiə Nazirliyinin Mərkəzi Hərbi Həkim Komissiyasının sabiq rəisi, tibb xidməti polkovniki Azad Abdullayevin dələduzluq etməsi faktına görə başlanmış cinayət işi üzrə ibtidai istintaq tamamlanaraq baxılması üçün iyunun 6-da Bakı Hərbi Məhkəməsinə göndərilib.

AZƏRTAC xəbər verir ki, bu barədə Baş Prokurorluğun mətbuat xidmətindən bildirilib.

Xatırladaq ki, cinayət işi üzrə 2021-ci il oktyabrın 22-də Cinayət Məcəlləsinin 178.2.2-ci, 178.2.3-cü, 178.2.4-cü və 32.4, 312.2-ci maddələri ilə yekun ittiham verilməklə A.Abdullayevin barəsində həbs qətimkan tədbiri seçilib.

AZƏRTAC