Nüfuzlu "Əl Cəzirə" telekanalının xəbərlər buraxılışında "Azərbaycanın hədəfi Avropanın əsas enerji təchizatçısı olmaqdır" mövzusunda reportaj yayımlanıb.

AZƏRTAC xəbər verir ki, telekanalın müxbiri Sinem Koseoğlunun reportajında SOCAR-ın Marketinq və investisiyalar üzrə vitse-prezidenti Vitali Bəylərbəyov Azərbaycanın Türkiyə, Gürcüstan, Yunanıstan, İtaliya və Bolqarıstan bazarlarında tədarükçü olduğunu, eyni zamanda, Şərqi, Mərkəzi Avropa ölkələri və Balkan yarımadasında da əsas qaz təchizatçısına çevrilmək istədiyini bildirib.

Reportajda diqqətə çatdırılıb ki, Azərbaycanın inşa etdiyi boru kəmərləri vasitəsilə daha böyük həcmdə Türkmənistan qazının Avropaya nəqli həyata keçiriləcək.

ABŞ-ın ölkəmizdəki sabiq səfiri Mətyu Brayzə telekanala müsahibəsində Azərbaycan qazının Avropanın enerji təhlükəsizliyində əhəmiyyətindən bəhs edib.

AZƏRTAC