Fövqəladə Hallar Nazirliyinin (FHN) Türkiyəyə humanitar yardım aparmış nəqliyyat vasitələrinin bir hissəsi Bakıya yola düşüb.
Bu barədə AZƏRTAC-a FHN-in mətbuat xidmətindən məlumat verilib.
Bildirilib ki, Türkiyədə baş vermiş güclü zəlzələnin fəsadlarının aradan qaldırılmasına dəstək məqsədilə Azərbaycan Prezidenti İlham Əliyevin tapşırığına əsasən, qardaş ölkəyə humanitar yardım aparmış FHN-in xüsusi təyinatlı nəqliyyat vasitələrindən ibarət ilk avtomobil karvanı Bakıya yola salınıb.
Ümumilikdə 14 avtomobildən ibarət karvan martın 7-də səhər saatlarında Kahramanmaraş şəhərindən yola düşüb.