Azərbaycanın ərazi bütövlüyü uğrunda gedən Vətən müharibəsində döyüşlərdə qəhrəmancasına şəhid olan Hacıqabul rayon Qubalıbalaoğlan kənd sakini Alışov Samir Cəlil oğlu və Kolanı kənd sakini Ağaməmmədov Xəyal Salam oğlunun doğum günü onların məzarları önündə anılıb.
Anım mərasimində rayon icra hakimiyyətinin başçısı Rüstəm Xəlilov, hüquq-mühafizə orqanlarının rəhbərləri, şəhidin yaxınları və kənd sakinləri şəhidlərin məzarını ziyarət ediblər. Mərasim iştirakçıları şəhid məzarları önünə gül dəstələri qoyublar, şəhidin ailə üzvlərinə başsağlığı veriblər.
Tofiq HÜSEYN,
“Respublika”.