Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin 2023-cü ildə elan etdiyi kiçik qrant müsabiqəsində Şabran Şəhər İcmasının İnkişafı üzrə Təlim və Resurs ictimai birliyinin "Şabran rayonunda sağlam həyat naminə ekoloji təmiz qida məhsullarından istifadənin təbliği mövzusunda təbliğat və təşviqat işlərinin təşkili" layihəsi qalib hesab olunmuşdur.
Bu barədə Şabran Şəhər İcmasının İnkişafı üzrə Təlim və Resurs ictimai birliyinin sədri - layihə rəhbəri Gülsənəm Əmrahova bildirdi ki, layihənin mövzusu ekoloji təmiz qida məhsullarına olan tələbatın artması ilə yanaşı Şabran rayonunda, eləcə də respublikamızda təmiz kənd təsərrüfatı məhsullarının istehsalı üçün mövcud imkanların artırılmasının təşkil etdirilməsi ilə bağlıdır.
Rayon aqrar inkişafı baxımından respublikamızda əhəmiyyətli çəkiyə malikdir. Bu, ərazidən faydalı ekoloji və təmiz qidalanma imkanlarından və lazımi səviyyədə istifadə olunması belə aktual tədbirlərin təşkil edilməsinə şərait yaratmışdır. Xüsusilə insanların sağlamlığı baxımından əhəmiyyət kəsb edən və ən mümkünü hesab edilən ekoloji təmiz kənd təsərrüfatı məhsulları ilə qidalanmanın təbliği bütün yaş qrupu əhali üçün məsuliyyətlə yanaşılan bir məsələdir. Bu problemin həm tibbi, həm də sosial baxımından xüsusi əhəmiyyəti vardır.
Layihənin əsas məqsədi iqtisadiyyatın əsas sahələrindən sayılan və əhalinin tələbatının tərkib hissəsi kimi ekoloji təmiz qida məhsulları ilə təminatının artırılması, nəticə etibarı ilə sağlam həyat tərzinin və rifahının gücləndirilməsi təsəvvürlərinin artırılmasına mühüm töhfə verməkdən ibarət olmuşdur.
Bunun üçün Şabran şəhərinin Heydər Əliyev prospektində layihənin daha geniş əhali auditoriyasına çıxmasına şərait yaratmaq məqsədilə iri ölçülü informativ lövhə-panno quraşdırılmışdır. Panno üzərində rayon ərazisində istehsal olunan məhsulların şəkilləri və mövzu ilə bağlı ibrətamiz kəlamlar qeyd olunmuşdur.
Layihə çərçivəsində rayonun Ağalıq, Əmirxanlı, Şahnəzərli, Gəndov və Rəhimli kəndlərində yerli icra nümayəndəlikləri, bələdiyyələr, Dövlət Aqrar İnkişaf Mərkəzi, Qida Təhlükəsizliyi Agentliyin Quba-Xaçmaz Regional Bölməsi, Kənd Təsərrüfatı Nazirliyinin Regional Təlim Mərkəzi əməkdaşlarının və yerli sakinlərin iştirakı ilə dəyirmi masa keçirilmişdir.
Tədbirlərdə mövzu ətrafında fikirlər dinlənilmiş, ekoloji təmiz qida məhsullarından istifadənin təbliği mövzusunda təbliğat və maarifləndirmə işləri aparılmışdır.
Tarixən əlverişli coğrafi mövqeyi, zəngin iqlim şəraiti, münbit torpaqları olan Şabran rayonunda ekoloji təmiz qida məhsullarının istehsalında və ərsəyə gətirilməsində daha böyük payı olan yaşayış məntəqələrində bu tipli tədbirlərin təşkili layihənin qarşıya qoyduğu məqsədlərin müsbət təsirinin olacağına əminlik yaradır.
Layihə mövzusu barədə verilən informasiyaların iştirakçılar tərəfindən daha çox əhali arasında yayılmasına və davamlılığına şərait yaradılması üçün tədbirlərdə bukletlər paylanılmışdır.
"Respublika".
