Hər il olduğu kimi, bu il də Bakı şəhərində keçiriləcək Novruz Bayramı şənliklərinin təşkili ilə bağlı genişmiqyaslı hazırlıq işləri görülüb. Milli Parkda bayram atributları - tonqal, milli ornamentlərdən ibarət heykəllər qoyulub, müxtəlif rəngdə yumurtalarla bəzədilmiş rəngarəng tərtibat işləri görülüb ki, bu da insanlarda bayram ab-havası yaradır. Dənizkənarı bulvarın mərkəzində bayram şənliklərinin təntənəli və yaddaqalan keçirilməsi üçün konsert səhnəsi də qurulub. İçərişəhər və Qız qalasının ətrafında Novruz yarmarkalarının təşkili üçün əlverişli ticarət mühiti yaradılıb.