Azərbaycan Respublikasının Müdafiə Nazirliyi dövlət sərhədinin Kəlbəcər rayonu istiqamətində ordumuzun bölmələrinin guya erməni mülki işçilərə atəş açması barədə Ermənistan mətbuatında yayılan xəbərlərə münasibət bildirib.

AZƏRTAC xəbər verir ki, Müdafiə Nazirliyinin mətbuat xidmətinin bununla bağlı yaydığı açıqlamada qeyd edilib: "Dövlət sərhədinin Kəlbəcər rayonu ərazisində Azərbaycan Ordusunun bölmələri tərəfindən guya Zod mədənində mülki erməni işçilərə qarşı atəş açılması barədə Ermənistan mətbuatında yayılan məlumat yalandır, dezinformasiya xarakteri daşıyır. Bu xəbəri qəti surətdə təkzib edirik".

AZƏRTAC