Azərbaycan Respublikasının kənd təsərrüfatı naziri İnam Kərimov avqustun 19-da, saat 09:00-da Balakən Dövlət Aqrar İnkişaf Mərkəzinin inzibati binasında Balakən və Zaqatala rayonlarından olan vətəndaşları qəbul edəcək.

Bu barədə AZƏRTAC-a Kənd Təsərrüfatı Nazirliyindən məlumat verilib.

Qəbul zamanı vətəndaşların Kənd Təsərrüfatı Nazirliyinin səlahiyyət dairəsinə aid məsələlərlə bağlı müraciətləri cavablandırılacaq, müraciətlərdə əksini tapan məsələlərin həlli ilə əlaqədar tədbirlər görüləcək.

Vətəndaş qəbulunda iştirak etmək istəyənlər Balakən Dövlət Aqrar İnkişaf Mərkəzinə (050-6451878) müraciət edə bilərlər. Qəbula yazılmaq üçün, həmçinin Kənd Təsərrüfatı Nazirliyinin "Çağrı Mərkəzi"nə zəng etməklə (1652) qeydiyyatdan keçmək olar.

Qəbula gələn vətəndaşlar əvvəlcədən qeydiyyatdan keçməli və şəxsiyyətlərini təsdiq edən sənədləri özləri ilə gətirməlidirlər.

AZƏRTAC