Bir tərəfin ittihamlar səsləndirməsi, digər tərəfin də ona cavab verməsi və bunun hər sessiyada təkrarlanması bizi narahat edir. Artıq danışıqlar üçün real şərait yaranıb. AŞPA-nın gələcəyindən, eləcə də Azərbaycan və Ermənistanın uzun zamandan sonra sabit, təhlükəsizlik gələcəyindən əmin olmaq üçün dialoqu dəstəkləməliyik.

Bu fikirləri AŞPA-nın Böyük Britaniyadan olan üzvü Con Hovel AZƏRTAC-a müsahibəsində deyib.

"Dialoqun başlamasını çoxdan gözləyirdim. Tezliklə azərbaycanlı və ermənistanlı dostlarımla eyni masa arxasında əyləşə biləcəyimi arzulayıram", - deyə britaniyalı parlamentari Ermənistan və Azərbaycan nümayəndə heyətlərinin üzvlərini birlikdə masa arxasında əyləşərək dialoqa, danışıqlar aparmağa çağırıb. Vurğulayıb ki, birlikdə daha səmərəli nəticələrə nail olmaq mümkündür.

AZƏRTAC