Sentyabrın 9-da Azərbaycanda 59 min 268 nəfər yeni növ koronavirus (COVİD-19) infeksiyası əleyhinə vaksinasiya olunub.

Nazirlər Kabineti yanında Operativ Qərargahdan AZƏRTAC-a bildirilib ki, gün ərzində birinci mərhələ üzrə vaksinasiya olunanların sayı 24 min 270, ikinci mərhələ üzrə vaksinasiya olunanların sayı 34 min 998 nəfər təşkil edib.

Azərbaycanda bu günə qədər vurulan vaksinlərin ümumi sayı 7 milyon 430 min 450, birinci mərhələ üzrə peyvənd olunanların ümumi sayı 4 milyon 442 min 484, ikinci mərhələ üzrə vaksinasiya edilənlərin sayı 2 milyon 987 min 966 nəfər təşkil edir.

AZƏRTAC