Prezident İlham Əliyevin qayğı və diqqəti sayəsində son illər idmançılarımız mötəbər yarışlarda inamlı qələbələr qazanır, müxtəlif ölkələrdə Vətənimizi bacarıqla təmsil edirlər.

Azərbaycanın para-atletlərinin Tokio-2020 Yay Paralimpiya oyunlarında qazandıqları qələbə isə ölkəmizin idman tarixinə qızıl hərflərlə yazılacaq.

Azərbaycan para-atleti Səid Nəcəfzadə Tokio Paralimpiadasının bürünc medalına sahib olub.

Azərbaycan komandasının hesabında 13 medal var. Onlardan 9-u qızıl, 4-ü isə bürünc medaldır. Belə ki, paracüdoçular Şəhanə Hacıyeva (48 kq), Sevda Vəliyeva (52 kq), Xanım Hüseynova (63 kq), Vüqar Şirini (60 kq), Hüseyn Rəhimli (81 kq), Dürsədəf Kərimova (70-dən yuxarı) qızıl, Namiq Abaslı (66 kq) və İlham Zəkiyev (100 kq-dan yuxarı) bürünc medala sahib olublar.

Yüz metr məsafəyə üzgüçülük yarışlarında Raman Saleh Paralimpiya çempionu adını qazanıb.

Nizə atma yarışlarında dünya rekordu müəyyənləşdirən para-atletimiz Həmid Heydəri qızıl medala sahib olub.

Para-atlet Elvin Astanov nüvə itələmə yarışlarında birinci, Səid Nəcəfzadə isə uzunluğa tullanmaqla ikinci yeri tutub.  Panerliftinqçi Pərvin Məmmədov (49 kq) isə fəxri kürsünün üçüncü pilləsinə qalxıb.

Vurğulamaq lazımdır ki, “Tokio-2020”də ölkəmizi idmanın 6 növündə 47 kateqoriya üzrə rekord sayda - 36 idmançı təmsil edəcək. Atletlərimizin 24-ü kişi və 12-si qadındır. XVI Yay Paralimpiya oyunları sentyabrın 5-dək davam edəcək.

Azərbaycan paracüdoçusu Hüseyn Rəhimli Tokio-2020 Yay Paralimpiya oyunlarının qalibi olub.

Birinci vitse-prezident Mehriban Əliyeva Tokio-2020 Yay Paralimpiya oyunlarında uğur qazanan idmançılarımızı təbrik edib.

Qədir ASLAN,

 “Respublika”.