Azərbaycan Respublikası Təhsil Nazirliyi Azərbaycan Memarlıq və İnşaat Universiteti 2021-ci il üçün cədvəldə göstərilmiş ixtisaslar üzrə doktorantura və dissertanturaya fəlsəfə və elmlər doktoru proqramları üzrə qəbul elan edir

Qəbul qaydaları haqqında məlumatı AzMİU-nun Doktorantura Şöbəsindən almaq olar. Yalnız xarici dil imtahanını müvəffəqiyyətlə vermiş şəxslər sənəd qəbulunda iştirak edə bilərlər. Əlavə olaraq bildirilir ki, doktoranturaya sənəd qəbulunun “Təhsil Mərkəzləşdirilmiş İnformasiya Sistemi” (TMİS) vasitəsilə elektron qaydada həyata keçirilməsi planlaşdırılır. Doktoranturaya sənəd təqdim etmək istəyən şəxslər Azərbaycan Respublikası Təhsil Nazirliyinin portal.edu.az saytına daxil olmalı, orada “Ali və orta ixtisas təhsil müəssisələrini tələbə qəbulu və qeydiyyatı” xidmətini seçərək, təlimatlara (Təlimatlar əlavə edilir) uyğun olaraq qeydiyyatdan keçməlidirlər. Portal.edu.az vasitəsilə müraciətlərin göndərilməsi cari il 1 iyul saat 09:00-dan etibarən mümkün olacaqdır. Fəlsəfə doktoru proqramı üzrə doktorantura və dissertanturaya sənəd qəbulunun son tarixi 15 iyul 2021-ci il.  (Fəlsəfə fənni üzrə imtahan 1, 2, 3 sentyabr 2021-ci il tarixlərində, ixtisas imtahanı isə 9, 10 sentyabr 2021-ci il tarixlərində keçiriləcək).

Doktorantura Şöbəsi, telefon: (012) 539-07-86.