Açılış mərasimi keçirilib
Yay Paralimpiya Oyunlarının açılış mərasimində Azərbaycan millisinin bayraqdarları parataekvondoçumuz İmaməddin Xəlilov və paratletimiz Lamiyə Vəliyeva olub. Ölkəmizi yarışlarda 7 növdə 19 idmançı təmsil edəcək.
Bunlar parataekvondoçular Röyalə Fətəliyeva (52 kq), Sabir Zeynalov (58 kq), İmaməddin Xəlilov (70 kq), Əbülfəz Abuzərli (80 kq), paraüzgüçülər Könül Süleymanova, Raman Saley, Vəli İsrafilov, paracüdoçular Dürsədəf Kərimova (+70 kq), Xatirə İsmiyeva (+70 kq), İlham Zəkiyev (+90 kq), paraatletlər Rüfət Rəfiyev, Oloxan Musayev (hər ikisi nüvə itələmə), Səid Nəcəfzadə, Orxan Aslanov (hər ikisi uzunluğa tullanma), Lamiyə Vəliyeva (100 və 400 metr məsafəyə qaçış), paraatıcılar Kamran Zeynalov, Aybəniz Babayeva, parakamandan oxatmada mübarizə aparan Cahan Musayev və parapauerliftinqçi Ceyhun Mahmudovdur (54 kq).
Qeyd edək ki, Paris-2024 Yay Paralimpiya Oyunları sentyabrın 8-də yekunlaşacaq.
Fransada qalmaqal: Paralimpiya Komitəsinin prezidentinin akkreditasiya kartı oğurlanıb
Beynəlxalq Paralimpiya Komitəsinin prezidenti Endryu Parsonsun avtomobilinin tədbir üçün akkreditasiya kartı oğurlanıb.
Oğurluq avqustun 21-dən 22-nə keçən gecə törədilsə də, hadisənin üstü ayın 23-də açılıb. Belə ki, verilən məlumata görə, prezidentin avtomobilinin qapısı açıq qalıb, akkreditasiya kartı oğurlanıb. Sonda kart başqası ilə əvəzlənib. "Paris 2024" avtomobillərinə məsul şəxs polis bölməsinə şikayət edib.
Qeyd edək ki, bu vəsiqə bütün Paralimpiya obyektlərinə girişə və təhlükəsizlik yoxlamalarından keçməyə imkan verir. Kart Oyunlar zamanı cəmi 20 nəfərə paylanılıb.
Röyalə Fətəliyeva olimpiadada çıxış edə bilməyəcək
Azərbaycan parataekvondoçusu Röyalə Fətəliyeva Paris-2024 Yay Paralimpiya Oyunlarında çıxış edə bilməyəcək.
Buna səbəb K44 kateqoriyası üzrə 52 kq çəki dərəcəsində mübarizə aparan idmançının zədələnməsidir.
Parisdəki Atletlər kəndində Azərbaycan millisinin üzvləri ilə görüş
Milli Paralimpiya Komitəsi və Gənclər və İdman Nazirliyi rəsmiləri Parisdəki Atletlər kəndində Azərbaycan millisinin üzvləri ilə görüşüb.
Görüş zamanı ölkəmizdə idmanın, o cümlədən paralimpiyanın inkişafının xüsusi diqqət mərkəzində saxlanıldığı vurğulanıb.
Daha sonra Paris-2024 Yay Paralimpiya Oyunlarında mübarizə aparacaq idmançılarımıza uğurlar arzulanıb. Onların yarışda parlaq qələbələrə imza atmaq əzmində olduqları bildirilib.
Təmsilçilərimizin görüşləri canlı yayımlanacaq
İdmançılarımızın bütün çıxışları İctimai Televiziya vasitəsilə azarkeşlərə nümayiş olunacaq.
Bu, Azərbaycan teleməkanında ilk belə hadisədir. İndiyədək Paralimpiada ölkəmizdə bu şəkildə yayımlanmayıb.
Azərbaycan paralimpiyaçılarının yarış təqvimi
İdman yarışları bu gün start götürəcək. Sentyabrın 8-dək davam edəcək paralimpiadada ölkəmiz 7 növ üzrə ümumilikdə 19 idmançı ilə təmsil olunacaq.
Paralimpiyaçılarımızın yarışlarının təqvimini təqdim edirik:
29 avqust
Parataekvondo
Röyalə Fətəliyeva (K44 kateqoriyası, 52 kiloqram)
Sabir Zeynalov (K44 kateqoriyası, 58 kiloqram)
Təsnifat: 12:00-16:30
Final: 19:00-23:30
Paraüzgüçülük
Könül Süleymanova (S2 kateqoriyası, 100 metr məsafəyə arxası üstə üzmə)
Təsnifat: 12:26
Final: 20:10
Parakamandan oxatma
Cahan Musayev
Təsnifat: 15:00
30 avqust
Parataekvondo
İmaməddin Xəlilov (K44 kateqoriyası, 70 kiloqram)
Təsnifat: 11:30-17:30
Final: 19:00-00:30
Paraatıcılıq
Kamran Zeynalov (P1 kateqoriyası, 10 metr məsafəyə atəş açma)
Təsnifat: 13:15
Final: 16:00
Paraatletika
Oloxan Musayev (F55 kateqoriyası, nüvə itələmə)
21:05
31 avqust
Paraüzgüçülük
Raman Saley (S12 kateqoriyası, 100 metr məsafəyə arxası üstə üzmə)
Təsnifat: 11:30
Final: 19:30
Könül Süleymanova (S2 kateqoriyası, 50 metr məsafəyə arxası üstə üzmə)
Təsnifat: 13:09
Final: 21:50
Parataekvondo
Əbülfəz Abuzərli (K44 kateqoriyası, 80 kiloqram)
Təsnifat: 12:00-16:30
Final: 19:00-23:30
Paraatıcılıq
Aybəniz Babayeva (P2 kateqoriyası, 10 metr məsafəyə atəş açma)
Təsnifat: 14:00
Final: 16:45
2 sentyabr
Paraatletika
Səid Nəcəfzadə (T12 kateqoriyası, uzunluğa tullanma)
12:00
Paraüzgüçülük
Raman Saley (S13 kateqoriyası, 50 metr məsafəyə sərbəst üsulla üzmə)
Təsnifat: 12:43
Final: 20:41
3 sentyabr
Paraatletika
Lamiyə Vəliyeva (T13 kateqoriyası, 100 metr məsafəyə qaçış)
22:08
4 sentyabr
Paraüzgüçülük
Raman Saley (S12 kateqoriyası, 100 metr məsafəyə sərbəst üsulla üzmə)
Təsnifat: 11:30
Final: 19:30
Paraatıcılıq
Kamran Zeynalov (P4 kateqoriyası, 50 metr məsafəyə atəş açma)
Aybəniz Babayeva (P4 kateqoriyası, 50 metr məsafəyə atəş açma)
Təsnifat: 11:30
Final: 14:15
Parapauerliftinq
Ceyhun Mahmudov (54 kiloqram)
20:35
Paraatletika
Rüfət Rəfiyev (F36 kateqoriyası, nüvə itələmə)
23:10
5 sentyabr
Paraüzgüçülük
Vəli İsrafilov (SB13 kateqoriyası, 100 metr məsafəyə brass (qurbağa) üsulu ilə üzmə)
Təsnifat: 12:49
Final: 21:01
7 sentyabr
Paraatletika
Orxan Aslanov (T13 kateqoriyası, uzunluğa tullanma)
12:00
Lamiyə Vəliyeva (T13 kateqoriyası, 400 metr məsafəyə qaçış)
12:22
Paracüdo
Dürsədəf Kərimova (J2 kateqoriyası, +70 kiloqram)
Xatirə İsmiyeva (J1 kateqoriyası, +70 kiloqram)
İlham Zəkiyev (J1 kateqoriyası, +90 kiloqram)
Təsnifat: 11:30-14:12
Final: 17:30-20:00
Paraüzgüçülük
Raman Saley (S12 kateqoriyası, 100 metr məsafəyə butterfly (kəpənək) üsulu ilə üzmə)
Təsnifat: 12:49
Final: 21:23
Qeyd edək ki, yarışların başlama saatı Bakı vaxtı ilə göstərilib.
M.NƏRİMANOĞLU,
"Respublika".
