Prezident İlham Əliyevin 2020-ci il 2 dekabr tarixli Sərəncamı ilə təsis edilmiş Anım Günü Vətən müharibəsində qəhrəmancasına döyüşmüş, ölkəmizin ərazi bütövlüyü uğrunda canlarından keçmiş əsgər və zabitlərimizə, bütün şəhidlərimizə dərin ehtiramın ifadəsidir.
Xalqımız hər il Anım Günündə şəhidlərimizin əziz xatirəsini ehtiramla yad edir.
"Respublika" qəzetinin kollektivi də 27 Sentyabr - Anım Günü ilə bağlı Zəfər parkında olub.
Qəzetin əməkdaşları parkın girişində xatirə daşının önünə gül dəstələri qoyub, ərazi bütövlüyümüzün təmin olunması uğrunda canlarını fəda etmiş şəhidlərimizin xatirəsini qürur və ehtiramla yad ediblər.
***
Redaksiyanın kollektivi həmçinin İkinci Şəhidlər xiyabanına gələrək Vətənimizin ərazi bütövlüyü uğrunda canlarını fəda etmiş şəhidlərimizin məzarları üzərinə gül dəstələri qoyub, ruhlarını dərin hörmət və ehtiramla anıb.
Allah bütün şəhidlərimizə rəhmət eləsin!
"Respublika".
